Alderiques D'asturies Radio

N'Alderiques Radio falamos cola Diputada por Asturies nel Congresu, Sofía Castañón. Con ella afondamos nes razones que llevaron a nun algamar l'alcuerdu pa la investidura del Presidente del Gobiernu Estatal Pedro Sánchez. La propia Sofía cúntanos, n'esclusiva p'Alderiques, qué puntos consideren dende la so formación política cimeros pa roblar un posible alcuerdu col Partíu Socialista y confírmanos que van siguir trabayando tou esti mes d'agostu pa poder llogralo. www.alderiquesdasturies.com

Contautamos col nuesu politólogu de referencia, Nicolás Bardio, col que facemos un analís posáu y fonderu de les Eleiciones cellebraes n'Asturies el pasáu 26 de mayu. Nelles tábemos convocaos pa elexir a los nuesos representantes políticos/es a la Xunta Xeneral, a los Conceyos Asturianos y al Parllamentu Europeu. Nel programa de güei vamos analizar los resultaos autonómicos cola perclara victoria del candidatu del Partíu Socialista, Adrián Barbón. Amás tamién vamos echar un güeyu a los resultaos municipales nos trés conceyos más poblaos del país: Xixón, Uviéu y Avilés. www.alderiquesdasturies.com

Falamos con Javier, ún de los que ta detrás d'un trabayu descomanáu fechu na rede, l'inxertar datos faciendo usu del asturianu como llingua vehicular. Xunto a otros collacios, son los encargaos d'iguar la Wikimedia n'asturianu. www.alderiquesdasturies.com

Facemos una llectura dende'l puntu vista asturianu a les Eleiciones Estatales cellebraes el pasáu domingu 28 d'abril col nuesu politólogu de cabecera Nicolás Bardio. Con él afondamos na victoria del Partíu Socialista y el futuru gobiernu pa la viniente llexislatura. www.alderiquesdasturies.com

El proyeutu Fontoria ñaz na primavera de 2017 nel conceyu Piloña (Asturies), pero nun ye hasta la seronda d'esi mesmu añu cuando llogra consolidase en forma cuartetu. El grupu adquier tintes progresivos ensin escaezer los sones más tradicionales, entamando a facer un amestau coles músiques d'otros llugares como Breizh, El Piamonte italianu o la música tradicional d'Europa central, sumerxiéndose n'ocasiones nel neoclasicismu, el folk barrocu de los 60 y 70 del sieglu XX, asina como dalgún esperimentu cola música de vanguardia. Esti 20 d'abril presenta'l so primer discu nomau "Nordés". De tou ello falamos col alma mater d'esti grupu música, Maxi Areñes. www.alderiquesdasturies.com

Contautamos una vegada más col nuesu politólogu de referencia, Nicolás Bardio, col que facemos un analís fonderu de les consecuencies a nivel estatal y asturianu de la convocatoria de les vinientes Elecciones Xenerales pal domingu 28 d'Abril. www.alderiquesdasturies.com

Afondamos na situación de precariedá que viven munchos trabayadores nel Ente Públicu de Comunicación (RTPA) con ún de los representantes sindicales n'esta empresa, Oscar Vega, de la CSI (Corriente Sindical d'Izquierda) na Radio Televisión Pública d'Asturies. www.alderiquesdasturies.com

Facemos un analís fonderu de lo que supunxo la figura política del recién fináu ex-Presidente d'Asturies, Vicente Álvarez Areces, dende un puntu vista de les lluces y solombres de la so trayeutoria. Pa ello recurrimos al nuesu politólogu de cabecera, Nicolás Bardio. www.alderiquesdasturies.com

La mítica banda de rock asturiana Dixebra festexaba a lo largo del añu pasáu'l so XXX Aniversariu con una serie d'actividaes qu'acababen en setiembre con un conciertu especial mientres les fiestes de San Mateo na capital asturiana. Col so cantante, Xune Elipe, falamos n'Alderiques Radio de la presentación en directo d'esti discu'l próximu vienres 28 d'avientu na sala Tribeca d'Uviéu, onde se podrá consiguir a un preciu especial pa la ocasión (5 €). Trátase d'una edición limitada, con un formatu especial nel que la parte gráfica básase nes fotografies del mierense Pablo Fernández García. www.alderiquesdasturies.com

Güei visítanos nos estudios d'Alderiques Radio, la xeógrafa Cristina García Hernández, que se fixo percélebre'l pasáu payares cuando na entrega de Premios Fin de Carrera a nivel estatal amosó una camiseta col lema "Asturianu, llingua oficial". Con ella vamos afondar nel so campu científicu y nel so ciñu pa col nuesu idioma. www.alderiquesdasturies.com

N'Alderiques Radio, facemos un analís fonderu y posáu col politólogu Nicolás Bardio del resultáu nes pasaes elecciones n'Andalucía. Falamos de los posibles pautos y les posibles consecuencies que puean tener n'Asturies na cita electoral del mayu viniente. www.alderiquesdasturies.com

Los representantes sindicales de LAB, ESK, CGT Y CSI de les estremaes plantes qu'ArcelorMittal tien allugaes per tol estáu español (Sagunto, Etxebarri, Sestao, Lesaka, Olaberria, Avilés y Xixón) entamen una campaña conxunta escontra'l chantaxe y miéu qu'exercen les multinacionales pa emprobecer y precarizar l'empléu de los trabayadores. N'Alderiques d'Asturies Radio afondamos na mesma con Xuan que pertenez al sindicatu de clase asturianu CSI. www.alderiquesdasturies.com

N'Alderiques d'Asturies Radio afondamos nel conflictu llaboral que ta na axenda estes selmanes que ye'l posible pieslle de la fábrica d'Alcoa n'Avilés. Pa ello, contautamos con un trabayador de la mesma, Félix, col que falamos del significáu que tien esti posible pieslle pa les propies families amás del impactu que provoca na comarca entera y n'Asturies. #AlcoaNunSePieslla www.alderiquesdasturies.com

Dende Alderiques d'Asturies Radio contautamos con Moisés del colectivu "Lluchando pola Soberanía" que vien trabayando dende va años na visibilización de les idees de la izquierda soberanista asturiana. Dientro d'esti trabayu ta la organización d'actos y manifestaciones cada 8 setiembre "Día d'Asturies". Esti añu, ente los actos organizaos pola Monarquía española en Cangues, nos que van faer l'actu d'entrega del Principáu a la infanta Leonor, esti colectivu convoca una manifestación col lema . www.alderiquesdasturies.com

N'Alderiques d'Asturies Radio averámonos a la recién cellebrada Séptima Edición del Arcu Atlánticu na ciudá de Xixón. Falamos con Raquel Huergo, responsable de la Fundación Municipal de Cultura del Conceyu Xixón, amás de con Rosana Serrano de la Escuela Segunda Oportunidá y dellos escolinos de la mesma. www.alderiquesdasturies.com

Esta vegada n'Alderiques d'Asturies Radio afondamos nun asuntu que tuvo cierta sonadía nos medios de comunicación en feches pasaes. Tratóse del xuiciu escontra diez acusaos pola ocupación del centru autoxestionaú "La Madreña" n'Uviéu fai unos años. Ún d'ellos foi'l Diputáu de Podemos na Xunta Xeneral d'Asturies, Andrés Fernández Vilanova, conocíu col acuñu de Ron. Con él falamos de qué supunxo auqel espaciu y tolos fechos posteriores que-yos lle llevaron a xuiciu. www.alderiquesdasturies.com

Dende Alderiques d'Asturies contautamos con Xosé Alba, Profesor d'Economía Aplicada na Universidá d'Uviéu, p'afondar nes oportunidaes dende'l puntu vista económicu qu'una futura oficialidá podría aporta p'Asturies por mor d'unes declaraciones del Presidente de la Federación Asturiana d'Empresarios (FADE), Belarmino Feito, onde entrugaba a los políticos presentes nun actu qué costu tendría la mesma. www.alderiquesdasturies.com

Desplazámosnos pal occidente d'Asturies pa falar col responsable del Serviciu de Normalización Llinguística de los conceyos de Grau y Candamu, Miguel Rodríguez Monteavaro. Con él afondamos n'una montonera custiones ente les que rescampla la polémica al rodiu'l nome del conceyu moscón. www.alderiquesdasturies.com

N'Alderiques d'Asturies contautamos col Presidente del Hostelcur Xixón de h.oquei sobre patinos femenín, Xuan Ramón Naves, que se proclamó por quinta vegada Campeón d'Europa na cuidá de Lisboa. Con él afondamos nesti fechu hestóricu amás de da-y la norabona pol trabayu de toos estos años con esti deporte minoritariu en Xixón. www.alderiquesdasturies.com

El diseñador y profesor universitariu Santiago Fano ye l'encargáu del cartel de la viniente edición "XXXIX Día de les Lletres Asturianes". N'Alderiques d'Asturies falamos con él de lo que supón un añu perimportante pa les nueses lletres amás de ser el so diseñu una vindicación de la música n'asturianu. www.alderiquesdasturies.com